Ózbekstan mámleketlik kórkem óner hám mádeniyat institutı Nókis filialında Qaraqalpaqstan Respublikası Ishki isler ministrligi Jol háreketi qáwipsizligi basqarması qánigeleriniń qatnasıwında ushırasıw bolıp ótti.

Ilajda Jol háreketi qáwipsizligi basqarması qánigeleri T.Utemuratov hám T.Qurbanbaevlar shıǵıp sóylep,  jol háreketi qáwipsizligi qaǵıydaları hám transport basqarıwda háreket qawipsizligin támiyinlew boyınsha túsinik berip ótti.

Jol háreketi qáwipsizligi basqarması qániygeleri tárepinen túsindiriw jumıslarınıń júrgiziliwine qaramay jaslar arasında jol qaǵıydalarına ámel etpeslik, piyadalar ótiw jolınan ótip atırǵanda qol telefonınan paydalanıw jaǵdayları ushırasıp, kewilsiz jaǵdaylar júz bermekte. Sonlıqtan, bunday unamsız jaǵdaylardıń aldın alıwda jollarda háreketlengende jol háreketi qáwipsizligi qaǵıydalarına ámel etiw talap etiledi.   

Ushırasıw sońında student-jaslar ózleriniń qızıqtırǵan sorawlarına juwap aldı.

Filial baspasóz xızmeti.