Ózbekstan mámleketlik kórkem óner hám mádeniyat institutı Nókis filialı direktorınıń Ilimiy isler hám innovatsiya boyınsha orınbasarı, filologiya ilimleriniń kandidatı N.Xamidov, «Social-gumanitar pánler» kafedrası baslıg‘ı, tariyx ilimleriniń kandidatı L.Urazova hám «Mádeniyat hám kitapxana xabar iskerligi» kafedrası baslıg‘ı G.Saparbaevalardıń docentlik diplomı Ózbekstan Respublikası Ministrler Kabineti janındaǵı Joqarı attestaciya komissiyası tárepinen tastıyıqlandı.

Búgin filial jámáát aǵzalarınıń qatnasıwında docentlik diplom óz iyelerine tapsırıldı. Ilajda filial direktorı A.Ayapov diplom iyelerin bul jetiskenligi menen qutlıqlap, ilimiy dóretiwshilik jumıslarında tabıslar tiledi.

Álbette, bul jetskenlikler elimizde ilim tarawına qaratılıp atırǵan ayrıqsha itibar hám olardı qollap-quwatlaw baǵdarında alıp barılıp atırǵan jumıslardıń ámeliy kórinisi bolıp tabıladı.

ÓzMKÓMI Nókis filialı baspasóz xızmeti.