Ózbekstan mámleketlik kórkem óner hám mádeniyat institutı Nókis filialı quramındaǵı Bilimlendiriwdiń sapasın qadaǵalaw bólimi tárepinen filialımızdıń 2021-jıldaǵı reyting kórsetkishleri boyınsha kafedralar hám professor-oqıtıwshılar kesimindegi reyting nátiyjeleri boyınsha ilaj shólkemlestirildi. Oǵan direktor orınbasarları, bólim baslıqlar hám kafedra baslıqları qatnastı.

Májiliste filial direktorı A.Ayapov bıyılǵı jıldıń milliy reyting nátiyjelerin belgilewde esapqa alınatuǵın hár bir bántke ayrıqsha toktap ótip, bul baǵdardaǵı jumıslardı ele de jetilistiriw kerekligin atap ótti.

Seminarda Bilimlendiriwdiń sapasın qadaǵalaw bólimi baslıǵı Q.Qalekeev shıǵıp sóylep, bıyılǵı jıldıń reyting nátiyjelerin belgilewde esapqa alınǵan hár bir bántke ayrıqsha toqtap ótti hám isleniwi tiyis bolǵan jumıslar boyınsha óziniń pikir-usınısların bildirdi. 2021-jıl reyting nátiyjeleri boyınsha 19 bánt joqarı kórsetkish 52 ball boyınsha úyrenip shıǵıldı hám filial boyınsha ortasha nátiyje 27,08 ball kórsetish ekinin atap ótti.

Ilaj sońında reyting kórsetkishti anıqlawda isleniwi tiyis bolǵan jumıslar boyınsha pikir-usınıslar bildirilip, aldaǵı wazıypalar belgilenip alındı.

QMU studenti G.Jartıbaeva