3-декабрь Халықаралық майыплар күни. Сәне мүнәсибети менен Өзбекстан мәмлекетлик көркем өнер ҳәм мәденият институты Нөкис филиалы «Мәденият ҳәм китапхана хабар искерлиги» кафедрасы жәмәәти ҳәм студент-жаслар Нөкис «Мүриўбет» майыплығы болған шахслар ушын ҳаяллар интернат үйинде болып, өзлери таярлап келген концерт бағдарламасын усынды. Бунда студент-жаслар эстрада ҳәм халық дөретиўшилиги жөнелисинде әжайып қосықлары ҳәм саҳналық көринислери менен жыйналғанларға қуўаныш инам етти. Буннан соң, «Мүриўбет» ҳаяллар интернет үйи тәрбияланыўшылары да өзлери тәрепинен таярланған концерт бағдарламасын мийманларға усынды.

Концерт бағдарламамыз арқалы «Мүриўбет» ҳаяллар интернет үйи тарбияланыўшылары кеўилине жыллылық алып кире алған болсақ буннан шексиз қуўанышлымыз, – дейди филиал Мәденият ҳәм китапхана хабар искерлиги» кафедрасы баслығы Г.Сапарбаева.

Өз гезегинде «Мүриўбет» ҳаяллар интернет үйи жәмәәти усындай концерт бағдарламасын шөлкемлестиргени ушын өзлериниң шексиз миннетдаршылығын билдирип, филиал жәмәәтин «Алғыснама» менен сыйлықлады.

Филиал баспасөз хызмети.