Усы жыл 11-октябрь күни Өзбекстан Республикасы Мәденият министриниң биринши орынбасары Б.Ахмедов тәрепинен мәденият тараўындағы билимлендириў мәкемелеринде билимлендириў сапасын ҳәм илимий дәрежелиликти арттырыў мәселелерине бағышланған мәжилис өткерилген еди. Усы мәжилисте белгиленген ўазыйпалардың орынланыўын тәмийинлеў бойынша бүгин Өзбекстан мәмлекетлик көркем өнер ҳәм мәденият инстиуты Нөкис филиалында мәжилис болып өтти.

Оған директор орынбасарлар, факультет деканлары ҳәм кафедра баслықлар қатнасты.

Илажда филиал директоры А.Аяпов мәжилисте белдирилген ўазыйпалар бойынша тоқталып, филиалда билимлендириўдиң сапасын арттырыў, илимий дәрежелликти буннан былай да көтериў, сондай-ақ, музыка мектеплери менен бирге ислесиў,  оларды жоқары мағлыўматлы кадрлар менен тәмийинлеў мәселелерине айрықша тоқтап өтти.  

Соның менен бирге, мәжилисте жаслар тәлим-тәрбиясы, олардың кийиниў мәденияты, сиясий саўатлылығын жетилистириў, студентлер арасында Әдеп-икрамлылық кодексинин турақлы үгит-нәсиятлап барыў кереклиги атап өтилди.

Мәжилисте жоқарыда атап өтилген мәселелер бойынша директор орынбасарларының мағылўматлары тыңланды.  Илаж соңында ислениўи тийис алдағы ўазыйпалар белгиленип алынды.

Филиал баспасөз хызмети.