Ózbekstan mámleketlik kórkem óner hám mádeniyat institutı Nókis filialında «Teatron» komandası, filial koordinatorları hàm kitapxana qánigeleri tàrepinen «Jeke oyın» intellektual turniri ótkerildi.

 Onda filifl direktorı másláhátshisi Q.Yakubov, Korruptsiyag’a qarsi gúresiw hám “Komplaens-qadag’alaw” bólimi qánigesi A.Jarimbetov hám filial profilaktika inspektorı N.Yerimbetovlar miymanda bolıp qatnasıwshılarǵa áwmetler tiledi.

Oyın juwmaǵına kóre «Màdeniyat hàm kòrkem òner màkemelerin shòlkemlestiriw hàm basqarıw» qànigeligi studenti Saburov Sali 1-orìndı, «Dramatik teatr aktyorlıĝı» qànigeligi studenti Bazarbaev Uluĝbek 2-orìndı, «Dramatik teatr aktyorlıĝı» qànigeligi studenti Jumatbaev Aymurza 3-orìndı jeńip alıwǵa miyassar boldı.

Filial student jasları ótkerilgen «Jeke oyın» intellektual turnirinde belsene qatnasqan hám sıylı orın alǵan qatnasıwshılarǵa miymanlar hám shólkemlestiriwshiler tárepinen bahalı sawĝalar menen sıylıqlandı.