Ózbekstan mámleketlik kórkem óner hám mádeniyat institutı Nókis filialı májilisler zalında Jámietlik-ruwxıy ortalıqtıń turaqlılıg’ın támiynlew boyınsha ushırasıw bolıp ótti.

Ushırasıwda filialdıń jaslar menen islesiw, ruwxıy-ag’artıwshılıq bólimi baslıg’ı S.Abatbaev ashıp berdi hám basqarıp bardı. Onda Xalıq diputatlar Nókis qalalıq diputatı I.Sharapova, Din isleri boyınsha Qaraqalpaqstan Respublikası aymaqlıq basqarması qánigesi X.Ibraymova, Din isleri boyınsha Qaraqalpaqstan Respublikası aymaqlıq basqarması Nókis qalası bas qánigesi X.Nezamatov, Respublika ruwxıy-ag’artıwshılıq orayı Nókis qalalıq bólim baslıg’ı Q.Nuratdinov, Nókis qalası “Muxammad baqiy ishan” meshiti imam orınbasarı I.Yunusupov, Nókis qalası “Muxammad baqiy ishan” meshiti imam xatibi SH.Qudaybergenov, Al-Beruniy orta arnawlı islam bilim jurtı oqıtıwshısı S.Rajapov hám filial profilaktika inspektorı N.Erimbetovlar qatnastı.

Bunda student-jaslar ortasında huqıqbuzarlıq hám jınayatshılıqtıń aldın alıw boyınsha keńnen túsinik berip ótti. Ótkerilgen tálim-tárbiya jumısların alıp barıw dawamında studentler tárepinen berilgen sorawlarg’a tiyisli juwaplar berildi.