Ózbekstan mámleketlik kórkem óner hám mádeniyat institutı Nókis filialı kishi májilisler zalında1-dekabr qaraqalpaq tiline Mámleketlik til biyligi berilgenine bıyıl 34 jıl tolıw múnásibeti menen bayram ilajların ótkeriw baslandı.

Ilajda ana tilimizdiń abroyın kóteriw, leksikalıq baylıǵın sap halında qollanıw máseleleri boyınsha «Social gumanitar pánler» kafedrasınıń oqıtıwshıları f.i.k. Amangúl Prekeeva hám Rano Sapashovalar, «Teatr kórkem ónertanıw» fakulteti Jaslar máseleleri boyınsha dekan orınbasarı D.Otarbaev hám tyutorlar T.Qaljanova hám M.Bekmuratovlar shólkemlestiriwinde filialımızda «Ana tilim –altın ǵáziynem» atamasında sáwbetlesiw ilajı ótkerildi. Ótkerilgen ilajǵa Ájiniyaz atındaǵı Nókis Mámleketlik Pedagogikalıq Institutınıń «Gumanitar hám jámiyetlik pánlerdi aralıqtan oqıtıw» kafedrası oqıtıwshısı f.i.k. Miyrixan Qayıpnazarova hám jas shayır Baxıtlı Sarıbaev qatnastı.

Student jaslar til haqqında onı saqlaw, qollanıw máselelerinde ózleriniń pikir, usınısların ilajǵa qatnasqan qánigeler menen sáwbetlesip, qızıqtırǵan sorawlarına juwaplar aldı.