Búgin 6-dekabr kúni Ózbekstan mámleketlik kórkem óner hám mádeniyat institutı Nókis filialı kishi májilisler zalında Hayal-qızlar máseleleri boyınsha direktor másláhátshisi O.Kdırniyazova hám Nókis qalası IIB Hayal-qızlar máseleleri boyınsha profilaktika inspektorı A.Namenovalar basshılıǵında ushırasıw shólkemlestirildi. Onda “Texnogen hám kórkem ónertanıw” fakulteti student-qızları arasında úgit-násiyat jumısları alıp barıldı.

Ilajda «Biz zorlıqqa qarsımız» sureni astında “Qızlardı  shańaraqlıq turmısqa tayarlawda nelerge itibar beriw kerek?”  temasında O.Kdırniyazova student-qızlardı shańaraqlıq turmısqa tayarlawda kóbinese nelerge itibar beriw kerekligi hám student-qızlardıń bos waqıtların kóbirek paydalı jumıslarǵa baǵıshlaw, hár bir hayaldıń qolınan úy-jumıslarınıń keliwi, tazalıq, gigienaǵa itibar beriliwi lazımlıǵın eskertti. Sonday-aq, profilaktika inspektorı A.Namenova filialdıń belgilengen ishki tártip-qaǵıydaları, huqıqbuzarlıq hám jınayatshılıqtıń aldın alıw, zorlıq hám basım haqqında túsindiriw jumısları alıp barıldı.

Ilaj sońında student-jaslar ózlerin qızıqtırǵan sorawlarǵa juwap aldı.