Ózbekstan mámleketlik kórkem óner hám mádeniyat institutı Nókis filialına Beruniy rayonındaǵı «Amir Timur», «Doslıq», «Markaziy», «Bunyodkor», «Paxtakor», «Beruniy», «Altınsay», «Saraykól», «Sarkop» hám «SHabboz» awıl hám mákan puqaralar jıyınlarınan sociallıq qorǵawǵa mútáj hám mayıplıǵı bolǵan 37 jas biriktirilgen bolıp, olar menen tıǵız birge islesiw hám mashqalaların úyreniw baǵdarında nátiyjeli jumıslar alıp barılmaqta.

Búgin Ózbekstan mámleketlik kórkem óner hám mádeniyat institutı Nókis filialı direktorı A.Ayapov hám basqa da juwapker xızmetkerler Beruniy rayonınan biriktirilgen jaslardıń shanaraǵında boldı.  Biriktirilgen jaslardı sociallıq jaqtan qollap-quwatlawda rayondaǵı “Lalazar” awıl puqaralar jıyını aymaǵında jasawshı D.Sharipov, «Shımam» awıl puqaralar jıyını aymaǵında jasawshı M.Qudaynazarova, “Ibin Sino” awıl puqaralar jıyını aymaǵında jasawshı U.Rozimov hám “Shabboz” awıl puqaralar jıyını aymaǵında jasawshı M.Turabaevlardıń shańaraǵında bolıp sawǵalar tapsırıdi.

Álbette, bul ilajlar mámleketimizde jaslarǵa qolaylıqlar jaratıw hám olardı hár tárepleme qollap-quwatlaw baǵdarında júrgizilip atırǵan jumıslardıń ámeliy kórinisi bolıp tabıladı.