Búgin «Mádeniyat ayı» sheńberinde 2023-jıl 15-dekabr kúni «Tumar» ansambliniń dúzilgenligine 6 jıl tolıw múnásibeti menen Ózbekstan mámleketlik kórkem óner hám mádeniyat institutı Nókis filialı zalında «Tumar» ansambliniń esabat koncerti shólkemlestirildi. Onda filial direktorı A.Ayapov shıǵıp sóylep «Tumar» ansambliniń usı waqıtqa shekem erisken jetiskenliklerin aytıp búgingi 6 jıllıq esabat koncert keshesi menen qutlıqladı. «Tumar» ansambliniń talantlı student-jasları tárepinen tayarlanǵan koncert baǵdarlamasında elimizde jasap atırǵan hár túrli millet wákilleriniń qosıq hám ayaq oyınlarınan ibarat bolǵan koncert bagdarlaması kóterinki ruwxta ótkerildi. Sonday-aq, tamashagóyler kewillerinen tereń orın alıp olardıń mádeniy dem alıwına úlken úles qostı. Ótkerilgen koncert sońında filial direktorı A.Ayapov hám «Xalıq dóretiwshiligi» fakulteti dekanı Q.Turdievlar «Tumar» ansambliniń kórkemlik jaqtan basshısı Esnazar Xalmuratov hám “Tumar” ansamblin diplom menen sıylıqladı.

Shólkemlestiriwshiler: «Xalıq dóretiwshiligi» fakulteti «Xalıq dóretiwshiligi» kafedrası.