Búgin Ózbekstan mámleketlik kórkem óner hám mádeniyat institutı Nókis filialıda fakultet dekanları, kafedra baslıqlar, bólim baslıqları hám professor-oqıtıwshılar qatnasıwında apparat májilisi bolıp ótti.

Májiliste filial direktorı A.Ayapov shıǵıp sóylep, dáslep ishki tártip máselelerin aytıp ótti. Onnan soń, respublikamızda hawa rayınıń keskin suwıtıwına hám máwsimlik jılıtıw qurılmalarına talap artıwına baylanıslı ayrıqsha jaǵdaylardıń aldın alıw maqsetinde qáwipsizlik qaǵıydalarına qatań ámel etiw boyınsha tiyisli juwapkerlerge tapsırmalar berildi. Ásirese, student-jaslardıń qısqı bayram demalısı waqtında bos waqtın mazmunlı ótkeriw, olardıń qáwipsizlik qaǵıydaların saqlawı boyınsha úgit-násiyat ilajların ótkeriw kerekligi ayrıqsha atap ótildi.

Sonday-aq, filialda xatlardıń orınlanıw tártibi, ishki tártip-qaǵıydalarına boysınıw, kiyiniw mádeniyatı, ádep-ikramlıq kodeksine ámel qılıw hám basqada kóplegen máseleler sóz etildi hám olar boyınsha juwapkerlerge tapsırmalar berildi.