Búgin 9-yanvar kúni Ózbekstan mámleketlik kórkem óner hám mádeniyat institutı Nókis filialı zalında Watan qorģawshılar kúni múnásibeti menen ushırasıw shólkemlestirildi. Oģan Arqa Batıs Áskeriy Okrugi veteranlar keńesi baslıģı miynet dem alısındaǵı Podpolkomnik A.Yusupov, Awģanstan urıs qatnasıwshısı, Veteran, miynet dem alısındaǵı MVD moyorı U.Allayarov, Qaraqslpaqstan Respublikası, Awģanstan birlespesi nagranlar aģzası O.Sarseniyazov, Qaraqslpaqstan Respublikası, Áskeriy veteranlar keńesi baslıģı miynet dem alısındaǵı Podpolkomnik P.Ergunusov, Qorģanıw Ministirligi Veteranı moyor J.Nurniyazov, Qorģanıw Ministirligi Veteranı moyor A.Xojaniyazov, Awģanstan urıs qatnasıwshısı M.Abdullaev hám Qaraqslpaqstan Respublikası Veteranlar keńesi baslıģı orınbasarı B.Qannazarovlar miymanda bolıp studen-jaslar menen ushrastı. Ilajda sózge shıqqanlar ózleriniń Awģanstanda áskeriy xızmette bolģan waqıtların hám ol jerde bolģan waqıyalardı sóz etti. Sonıń menen bir qatarda jaqınlap kiyatırģan 14-yanvar Watan qorģawshılar kúni menen qutlıqladı. Ilaj dawamında studentler ózlerin qızıqtırģan sorawlarģa juwap aldı. Ótkerilgen ilaj sońında kelgen bárshe miymanlar filialımız tárepinen «Alģısnama» menen sıylıqlandı hám filial student-jasları tárepinen tayarlanģan koncert baģdarlaması menen juwmaqlandı.

Filial baspasóz xızmeti.