Usı jıl 30-yanvar kúni Ózbekstan mámleketlik kórkem óner hám mádeniyat institutı Nókis filialı Keńesiniń gezektegi májilisi bolıp ótti. Oǵan filial Keńes aǵzaları, kafedra baslıqlar hám professor-oqıtıwshılar katnastı.

Ilajdı Filial direktori, filologiya ilimleriniń kandidatı A.Ayapov basqarıp bardı. Filial keńesinde 2023-jıl juwmaǵı boyınsha Jaslar máseleleri hám ruwxıy-aǵartıwshılıq baǵdarında alıp barılǵan jumıslar boyınsha Jaslar máseleleri hám ruwxıy-aǵartıwshılıq isleri boyınsha direktor orınbasarı A.Ótepbergenovtıń málimlemesi tıńlandı. Bunnan soń, «Teatr kórkem óneri» fakultetiniń ilimiy hám reyting kórsetkishleri, sonday-aq, ruwxıy-aǵartıwshılıq islerdi jetilistiriw boyınsha alıp barılıp atırǵan jumıslar haqqında Fakultet dekanı G.Xodjametovanıń, Filialdıń Xalıqaralıq birge islesiw máseleleri: Xalıqaralıq birge islesiwdiń tiykarǵı baǵdarları haqqında Xalıqaralıq baylanıslar bólimi baslıǵı B.Sultamuratovtıń, Jınayatshılıqqa qarsı gúresiw hám huqıqbuzarlıqlardıń aldın alıw is-ilajların jetilistiriw haqqında

Filial profilaktika inspektorı N.Erimbetovtıń hám Studentlerdiń sabaqqa qatnası haqqında oqıw bólim baslıǵı Q.Turdievtıń esabatı tıńlandı. Sonday-aq, Professor hám docent ilimiy ataqlar ushın talabanlardıń hújjetlerin Joqarı Attestaciya Komissiyasına usınıw máselesi, Izleniwshilerdiń temasın «Byulletten» jurnalına usınıw máselesi hám Oqıw ádebiyatlardı baspaǵa hám muwapıqlastırıwshı keńeske usınıw máseleleri kórip shıǵıldı. Buǵan Keńes aǵzaları qarsı emesligin bildirdi. Májilis sońında aldaǵı wazıypalar belgilenip alındı.