Búgin Qaraqalpaqstan Respublikası Ministirler Keńesinıń kestesi tikarında Ózbekstan mámleketlik kórkem óner hám mádeniyat institutı Nókis filialı májilisler zalında Qaraqalpaqstan Respublikası Ministirler Keńesiniń Din isleri boyınsha komitetiniń Hayal-qızlar máseleleri boyınsha jetekshi qánigesi X.Ibrayimova, filial profilaktika inspektorı N.Erimbetov hám filialdıń Hayal-qızlar máseleleri boyınsha direktor másláhátshisi O.Kıdırniyazova basshılıǵında “Hayal taǵdiri” atamasında filim tamashalandı. Ilajǵa filialdıń dekan orınbasarları, dekan másláhátshileri, bólim xızmetkerleri, tyutorlar hám filial student qızları qatnastı. Bul filmde ózbekstanlı bir hayaldıń basınan keshirgen waqıyaları, sırt elde jumıs islew ushın barıp aldanıp qalıp qıyınshılıqlarǵa dus kelgeni, soǵan qaramastan óz watanına qaytıp, bunday halǵa túsip qalǵanına kútá ókingeni sáwlelengen bolıp, film ilaj qatnasıwshıların júda tásirlendirdi. Filmdi student qızlar názerine usınıwdan maqset hesh bir watanlasımız sırt elde aldanıp qalmawı, adam sawdası sıyaqlı jaman illetlerden awlaq bolıwı ushın tamashagóyler názerine usınıldı. Ilaj sońında student-jaslar da bul mashqala boyınsha óz pikirlerin bildirip, filmnen alǵan tásirlerin bólisti.