Ózbekstan mámleketlik kórkem óner hám mádeniyat institutı Nókis filialı Jaslar máseleleri, ruwxıy-aǵartıwshılıq isleri boyınsha direktor orınbasarı A.Ótepbergenov, Ózbekstan ekologiyalıq partiyası Qaraqalpaqstan Respublikası partiya shólkemi keńesi atqarıw komiteti baslıǵı A.Begimova, Ózbekstan Respublikası Oliy májilis janındaǵı jaslar parlamenti aǵzası B.Jenbaevlar menen birgelikte filial student-jasları qatnasıwında ushırasıw ótkerildi. Ushrasıwda  A.Begimova sózge shıǵıp, Ózbekstan ekologiyalıq partiyasınıń iskerligi hám islenip atırǵan jumıslar haqqında keń túsinik berip, jaslardı tábiyattı qorǵawda óz úlesin qosıwǵa shaqırdı. Sonıń menen bir qatarda, qorshaǵan ortalıqtı qorǵaw hám abadanlastırıw boyınsha videorolik tayarlaǵan «Estrada hám massalıq tamashagóyler rejisyorlıǵı» qánigeligi 2-kurs studenti Jumabaev Muratqa óz minnetdarshılıqların bildirip Ózbekstan ekologiyalıq partiyası atınan sıylıqladı. Ilaj sońında student-jaslar ózlerin qızıqtırǵan sorawlarǵa juwap aldı.

Filial baspasóz xızmeti.