Ózbekstan mámleketlik kórkem óner hám mádeniyat institutı Nókis filialında elimiz boylap dawam etip kiyatırǵan «Ózbekstan ulıwma úyimiz» atamısında festival shólkemlestirildi. Ilajǵa filial diretorı A.Ayapov, Qaraqalpaqstan Respublikası Ministirler keńesi baslıǵı orınbasarı R.Nurazizov, Qaraqalpaqstan Respublikası Mádeniyat xızmetkerleri túrli millet wákilleri, Qosbulaq hám Kattaǵar MPJ turǵınları sonday-aq, filialdıń professor-oqıtıwshıları hám student-jaslar qatnastı.

Ilaj dawamında student-jaslar tárepinen tayarlanǵan koncert baǵdarlaması tamashagóyler názerine usınıldı. Koncertte túrli millet wákilleriniń milliy úrip-ádetleri, qosıq hám ayaq oyınları sahnalastırıldı. Atap aytqanda tısaw keser, bet ashar hám milliy ayaq oyınlar.

Koncert baǵdarlaması tamashagóylerdiń kewillerinen tereń orın iyeledi. Ilaj sońında Qaraqalpaqstan Respublikası Ministirler keńesi tárepinen Ózbekstan mámleketlik kórkem óner hám mádeniyat institutı Nókis filialı jámááti «Minnetdarshılıq» xatı hám bahalı sawǵalar menen sıylıqlandı.