8-mart Xalıqaralıq hayal-qızlar bayramına baǵıshlanıp, Qaraqalpaqstan Respublikası Málimleme-kitapxana orayında “Ana-áziz, ana-muqaddes” atamasında sáwbetlesiw keshesi bolıp ótti.

      Ilajǵa Ózbekstan mámleketlik kórkem óner hám mádeniyat institutı Nókis filialı professorı, Qaraqalpaqstan Respublikası xalıq artist, Qaraqalpaqstan Respublikası bilimlendiriw aģlası Gulnara Munteeva, filial oqıtıwshısı, belgili qosıqshı Mariyash Tajigalieva hám Qaraqalpaqstan Respublikası Málimleme-kitapxana orayı qánigeleri, qatnastı.      

     Keshe miymanı, G.Munteeva óziniń ómiri hám dóretiwshiligine toqtap ótip, bársheni bayram menen qutlıqlap hayalǵa húrmet, analıq baxtı, miyrim-shápáát, opadarlıq sezimleri áziz analarımız hám apa-sińlilerimizdi tárk etpesligin hám óz dóretiwshiliginen qosıqlar atqardı. M.Tajigalieva keshe qatnasıwshıların jasarıw hám jańalanıw, gózzallıq pasılı menen shın júrekten qutlıqladı hám analarımız haqqında sóz eter ekenbiz “Jánnet analar ayag‘ı astında” analarımızsız bul ómirdi kóz aldımızǵa keltire almaymız, bul dúnyadaǵı baxıtlı ómir ushın analarǵa tájim etemiz dep gózzal qızlar, mehriyban analarımız haqqında jazılǵan qosıq qatarlarınan aytıp ótti.

Ilaj dawaminda Nókis qalasındaǵı qánigelestirilgen mádeniyat mektebiniń sázende baqsı qızları, duwtarda namalı qosıqların atqarıp berdi.