Ózbekstan Respublikası Prezidentiniń «Ózbekstan – 2030 strategiyasın «Jaslar hám biznisti qollap-quwatlaw jılı»nda ámelge asırıwǵa baylanıslı mámleketlik baǵdarlaması haqqında»ǵı Pármanı menen Ministirlikler, mákeme hám shólkemler ózlerine biriktirilgen jaslar menen ushırasıp, olardıń potencialın júzege shıǵarıwǵa járdem beriw sıyaqlı bir qansha tapsırmalar berilgen edi.

Usı múnásibet penen búgin 26-mart kúni Ózbekstan mámleketlik kórkem óner hám mádeniyat institutı Nókis filialında Ózbekstan Respublikası Adillik Minitirligi Tashkent mámleketlik yuridika universiteti qánigesi B.Qudaybergenov, Qaraqalpaqstan Respublikası Adillik Ministirligi  bas qánigesi N.Berdiniyazova hám Tashkent mámleketlik yuridika universiteti student-jasları tárepinen «Reformalarǵa baylanıslıman» uranı astında huqıqıy akciya   shólkemlestirildi. Ilaj sońında student-jaslar ózlerin qızıqtırǵan sorawlarǵa juwap aldı.