Ózbekstan mámleketlik kórkem óner hám mádeniyat institutı Nókis filialı janındaǵı Mádeniyat orayında Joqarı oqıw orınları arasında ótkerilgen “Márifat maydonı” tańlawı ótkerildi. Bul tańlawdı ótkeriwden maqset mámleketimizde ámelge ásırılıp atırǵan keń kólemli jumıslarda belsene qatnasıwın támiyinlew, student-jaslardı jaqsı jollarǵa jetelew hámde babalarımızdıń miyrasın úyreniw, mádeniyatımızǵa múnásip bolǵan úlken ádebiyat deregin jaratıw kózde tutılǵan. Ilajda Ózbekstan mámleketlik kórkem óner hám mádeniyat institutı Nókis filalı professor-oqıtıwshılarınan quralǵan tóreshiler quramı tárepinen ádil bahalar qoyılıp jeńimpazlar anıqlandı. Ótkerilgen tańlawǵa joqarı oqıw orınlarınnan kelgen student-jaslar arasınan Ájiniyaz atındaǵı Nókis mámleketlik pedagogika institutı “Máǵrifat” komandası 1-orın, Berdaq atındaǵı qaraqalpaq mámletlik universiteti “Máǵrifatshı jaslar” komandası 2-orın, Samarqand mámleketlik veterinariya medicinası sharwashılıq hám biotexnologiyalar universiteti Nókis filialı “Ádebiyat shaydaları” hám Tashkent gumanitar pánler universiteti “Ayaziy” komandaları 3-orındı iyeledi. Ilaj sońında jeńimpazlar filial tárepinen “Diplom” hám estelik sawǵaları menen sıylıqlandı.