Elimizde ámelge asırılıp atırǵan reformalar, jańalanıwlar, sonday-aq, ruwxıy-aǵartıwshılıq baǵdarındaǵı jumıslardı xalıqtıń keń qatlamına jetkeriwde orınlarda úgit-násiyatshılar toparı aǵzalarınıń qatnasıwında mádeniy ilaj hám ushırasıwlar ótkerilmekte. Usınday ilajlardıń biri Shomanay rayonındaǵı «Monshaqlı» awıl puqaralar jıyınında bolıp ótti.

Ruwxıy aǵartıwshılıq orayı Shomanay rayonlıq bóliminiń baslıǵı I.Allaniyazov alıp bardı. Onda Ózbekstan mámleketlik kórkem óner hám mádeniyat institutı Nókis filials  juwapker xızmetkerleri Q.Yusupov hám T.Dawletmuratovlar aymaqtaǵı 7-sanlı mektepbinde bolıp, Prezidentimizdiń ruwxıylıq hám aǵartıwshılıq keńesi májilisinde atap ótilgen máseleleri, sonday-aq, sońǵı jılları elimizde ámelge asırılıp atırǵan reformalar, sonıń ishinde Qaraqalpaqstandı sociallıq-ekanomikalıq jaqtan ele de rawajlandırıw boyınsha qabıl etilip atırǵan Párman hám qararlardıń mazmunı hám áhmiyeti haqqında  keń túsinikler berdi.