Búgin 4-aprel kúni Ózbekstan mámleketlik kórkem óner hám mádeniyat institutı Nókis filialında «Joqarı oqıwdan keyingi tálim hám joqarı mamanlıqtaǵı ilimiy hám ilimiy-pedagog kadrlardı attestaciyadan ótkeriw sestemasın jedellestiriw is-ilajları háqqında» Ózbekstan Respublikası Ministerler Kabinetiniń 2012-jıl 28-dekabr kúngi 365-sanlı qararına tiykarlanıp ishki attestacyası óz jumısın basladı. Ilajǵa filial direktorı A.Ayapov, Ilmiy isler hám innovaciyalar boyınsha direktor orınbasarı N.Xamidov, «Texnogen hám kórkemónertanıw» fakulteti dekanı K.Zaretdinov hám fakultet professor-oqıtıwshıları qatnastı. Májiliste filial direktorı A.Ayapov shıǵıp sóylep “Texnogen hám kórkemónertanıw” fakultetinde xızmet kórsetip kiyatırǵan kafedralardaǵı professor-oqıtıwshılar, izleniwshiler tárepinen alıp barılıp atırǵan ilimiy-izertlew hám ilimiy-pedagogikalıq jumısları boyınsha alıp barılǵan nátiyjelerin qadaǵalap barıw maqsetinde filialdıń ishki tártip qaǵıydalarına boysınǵan hálda ishki attestaciya ótkeriw haqqında aytıp ótti.