Ózbekstan mámleketlik kórkem óner hám mádeniyat institutı Nókis filialında “Qaraqalpaq kórkem óneri dóretiwshileriniń sheberligin úyreniw” Respublika ilimiy-ámeliy konferenciyasınıń “BAQSI, JÍRAWShÍLÍQ HÁM MUZÍKA KÓRKEM-ÓNERINIŃ BÚGIN HÁM KELEShEKTEGI RAWAJLANIW JOLLARI” atamasındaǵı IV-sekciyası shólkemlestirildi. Onda Ózbekstan mámleketlik kórkem óner hám mádeniyat institutı Nókis filialı “Folklor hám etnografiya” kafedrası baslıǵı, L.Maxammatdinova hám bir qansha professor-oqıtıwshılar “Shıǵıs xalıqlarında baqsı hám dastanshılıq kórkem óneriniń qáliplesip rawajlanıw táriyxı”, “Baqsı dástan atqarıw sheberligi hám tıńlawshılar menen baylanısı”, “Jırawshılıq kásibiniń rawajlanıw jolları”, “Pirniyaz Ótegenovtıń baqsıshılıq jolı haqqında”, “Jırawshılıq kásibiniń ózgesheligi yáki ilahiy qásiyetleri”, “Qıyas jıraw Qayratdinov hám onıń jırawshılıq óneri”, “Qaraqalpaq xalqınıń folkorı”, “Baqsıshılıq ruwxıylıǵımız ózegi” temalarında óz dakladların oqıp esittirdi. Ilaj sońında qatnasıwshılar shólkemlestiriwshiler tárepinen «Sertifikat» hám estelik sawǵaları menen sıylıqlandı.