Búgin 27-aprel kúni Ózbekstan mámleketlik kórkem óner hám mádeniyat institutı Nókis filialında Ajiniyaz Qosıbay ulınıń dúnyaǵa kelgenine 200 jıl tolıwı múnásibeti menen «Bul dúnyanıń kórki adam balası» atamasında ádebiy keshe shólkemlestirildi. Ilajǵa Berdaq atındaǵı qaraqalpaq mámleketlik universiteti filologiya fakultetiniń docenti hazirgi qaraqalpaq ádebiyatı kafedrası oqıtıwshısı f.i.k P.Allambergenova, filialdıń «Xalıq dóretiwshiligi» fakulteti aǵa oqıtıwshısı N.Qállibekov, professor-oqıtıwshılar hám student-jaslar qatnastı. Ádebiy keshede sózge shıqqanlar shayırdıń ózi jasaǵan dáwirde feodallıq qatnasıqları húkim súrip turǵan bolsada, shayırdıń aqıl oyı bir neshshe ásir aldıǵa rawajlanıp, bul dúnyanıń kórki adam balası ekenligi haqqında gumanistlik sheshimge kelgen, adamgershilik páziyletlerin kórsete bilgen súyikli shayırımızǵa bir qansha táriypler berip ótti. Ilaj sońında student-jaslar tárepinen tayarlanǵan koncert baǵdarlaması menen juwmaqlandı hám ádebiy keshe miymanları «Minnetdarshılıq» xatı menen sıylıqlandı.

Shólkemlestiriwshiler: «Texnogen hám kórkemónertanıw» fakulteti «Kórkemónertanıw» kafedrası.