Búgin 29-aprel kúni Ózbekstan mámleketlik kórkem óner hám mádeniyat institutı Nókis filialında Xalıqaralıq xareografiya kúni múnásibeti menen «Jaslar zawqı-2024» kórik tańlawı ótkerildi. Ilajdı Jaslar máseleleri ruwxıy aǵartıwshılıq isleri boyınsha direktor orınbasarı A.Ótepbergenov ashıp berdi. Ilajǵa Ózbekstan filarmoniyası Qaraqalpaqstan bólimi solist Dina Dosjanova, Qaraqalpaqstan xalıq baqsısı, professor Gúlbaxar Axımbetova, «Xalıq dóretiwshiligi» fakulteti oqıtıwshısı Zuxra Yuldasheva, profesor-oqıtıwshılar hám student-jaslar qatnastı. Qatnasıwshılar tańlawǵa 2 jóneliste milliy oyın túrleri hám estrada oyın túrleri boyınsha óz belsendiliklerin kórsetti.

Tańlaw juwmaǵına bola «Qosıq hám oyın» qanigeligi 1-kurs Qutliev Ilxam 1-orın, «Muzıkalı teatr aktyorlıǵı» qanigeligi 1-kurs Álimbaeva Tumaris 2-orın, «Qosıq hám oyın» qánigeligi 1-kurs Ádembaeva Aynura 3-orın. Jeńımpazlar diplom hám bahalı sawǵalar menen sıylıqlandı.

Shólkemlestiriwshiler: «Xalıq dóretiwshiligi» fakulteti oqıtıwshısı Z.YUldasheva hám filial «Jaslar awqamı Baslanǵısh shólkemi».