Ózbekstan mámleketlik kórkem óner hám mádeniyat institutı Nókis filialı keńesiniń gezektegi májilisi bolıp ótti. Oǵan Keńes aǵzaları quramındaǵı kafedra baslıqlar, bólim baslıqlar hám professor-oqıtıwshılar qatnastı.

Ilajdı filial direktorı, filologiya ilimleriniń kandidatı A.Ayapov basqarıp bardı hám kún tártibindegi máseleler menen tanıstırıp ótti. Filial keńesinde 2023-2024-oqıw jılınıń juwmaǵı, oqıw jılı dawamında ruwxıy-aǵartıwshılıq baǵdarında, sonday-aq, ilimiy iskerlik hám innovaciyalıq proektler boyınsha islengen jumıslar, taza oqıw jılına tayarlıq kóriw máseleleri direktor orınbasaralarınıń maǵlıwmatları tıńlandı.

Májiliste aǵımdaǵı máseleler boyınsha docent ilimiy ataǵı ushın talabanlardıń hújjetlerin Joqarı Attestaciya Komissiyasına usınıw máselesi, oqıw ádebiyatlardı dodalaw, baspaǵa hám muwapıqlastırıwshı keńeske usınıw máseleleri qaralaıp, sheshim qabıl etildi. Májilis sońında filial keńesinde kórilgen máseleler boyınsha aldaǵı wazıypalar belgilenip alındı.

Filial baspasóz xızmeti.