Usı jıl 2-mart kúni Qazaqstannıń Shımkent qalasında «KINOART» VII xalıqaralıq háweskerlik kinorejissyorlar festivalı ótkerildi. Bolıp ótken festivalda «Qaraqalpaqkino» agentligi tárepinen respublikamızdan eki jas kino rejissyor Aziz Allambergenov, Mars Orınbasarov hám operator Baxram Seytjanovlar qısqa metrajı fil’mleri menen qatnastı.

Festivaldıń sıylıqlaw máresiminde jas rejissyor A. Allambergenov «Traktorshı» fil’mi ushın II orın, usı fil’mdi súwretke alıwda operatorlıq jumısı ushın Baxram Seytjanov «Eń jaqsı operator» nominaciyası jeńimpazı dep tabıldı.

Festivaldıń sıylıqlaw máresiminde jas rejissyor A. Allambergenov «Traktorshı» fil’mi ushın II orın, usı fil’mdi súwretke alıwda operatorlıq jumısı ushın Baxram Seytjanov «Eń jaqsı operator» nominaciyası jeńimpazı dep tabıldı.

Festivalda qatnasqan eki fil’mniń súwretke alınıwında operatorlıq ettim, – deydi «Kinoteleoperator» tálim baǵdarınıń 2-kurs studenti Baxram Seytjanov. – Aldaǵı waqıtlarıda ustazlarımnıń miynetin aqlap, joqarı tabıslardı qolǵa kirgiziwge háreket etemen…

Jas kino rejissyor hám operatorlarmızdı bul tabısları menen qutlıqlap, keleshekte olardan xalıq súyip tamashalaytuǵın kinofil’mlerdi kútip qalamız.