Ózbekstan mámleketlik kórkem óner hám mádeniyat institutı Nókis filialına biriktirilgen mektepler menen tıǵız birge islesiwde nátiyjeli jumıslar alıp barılmaqta.

Búgin filial professor-oqıtıwshılarınıń qatnasıwında Nókis qalası №2 Kásip óner mektep oqıwshıları menen ushırasıw shólkemlestirildi. Onda «Vokal», «Rejissura kórkem óneri» hám «Aktyor kórkem óneri» kafedraları professor-oqıtıwshıları mektep jámááti hám oqıwshı-jaslar menen sáwbetlesip, olardı muzıka hám teatr kórkem ónerine baǵdarlawǵa qaratılǵan sheberlik sabaqların ótti.

Ilaj sońında aldaǵı waqıtları tıǵız birge islesiwdi ele de rawajlandırıw boyınsha sóylesiwler alıp barıp, oz ara birge islesiw shártnamaları dúzildi.

Filial baspasóz xızmeti.