Usı jıldıń 12-sentyabr kúni Ózbekstan mámleketlik kórkem óner hám mádeniyat institutı Nókis filialı hayal-qızlar másláhát keńesiniń jańa 2024-2025-oqıw jılındaǵı dáslepki májilisi bolıp ótti.

Májilisti filial direktorınıń hayal qızlar máseleleri boyınsha másláhátshisi Oralxan Qdirniyazova basqarıp bardı.

Kún tártibine muwapıq dáslep Keńestiń jańa quramı tastıyıqlanıp, 2024-2025- oqıw jılında filial hayal-qızlar másláhát keńesiniń taza úlgi dástúrinde belgilengen is-ilajlar rejesi boyınsha  fakultet dekan másláhátshileriniń wazıypaları qayta túsindirilip ótildi. Sonday-aq, filialdıń ádep-ikramlıq qaǵıydaların 1-kurslarǵa hár bir toparǵa kirip túsindiriw  jumısları, student qızlardıń  ijara úyleriinde jaylasıwın támiynlew, hár bir topardaǵı sociallıq járdemge mútáj student qızlardıń jaǵdayları menen tanısıw sıyaqlı  wazıypalar júklendi. Hár bir dekan másláhátshisiniń fakultetlerde ámelge asırılıwı tiyis bolǵan jumıslarınıń rejesi belgilep alındı.

Májiliste kún tártibindegi máseleler boyınsha óz ara pikir almasılıp, aldaǵı ámelge asırılatuǵın jumıslar dodalandı.

Filial Hayal-qızlar keńesi