Usı jıl 28-iyun kúni Ózbekstan mámleketlik kórkem óner hám mádeniyat institutı Nókis filialınıń keńesiniń gezektegi májilisi bolıp ótti. Oǵan Keńes aǵzaları quramındaǵı kafedra baslıqlar, bólim baslıqlar hám professor-oqıtıwshılar qatnastı.

Ilajdı Filial direktorı, filologiya ilimleriniń kandidatı A.Ayapov basqarıp bardı hám kún tártibindegi máseleler menen tanıstırıp ótti. Bunnan soń, «Filialda atqarıw tártibinde hújjetlerdiń orınlanıwı haqqında” Fizikalıq hám yuridikalıq shaxslardıń múrájatları menen islesiw, ishki qadaǵalaw hám monitoring bólimi baslıǵı Sh.Doshanovtıń, “2024-2025-oqıw jılı juwmaqları boyınsha ámelge asırılǵan jumıslar, 2025-2026-oqıw jılı ushın isshi oqıw rejeler, isshi pán baǵdarlamaları, sonday-aq, kafedralardıń 2025-2026 oqıw jılına hújjetler jıynaǵın tastıyıqlaw máseleleri, tólem-shártnamalarınıń orınlanıwı boyınsha” Oqıw isleri boyınsha direktor orınbasarı J.Shaniyazovtıń, “2024-2025-oqıw jılı juwmaqları boyınsha ruwxıy-aǵartıwshılıq baǵdarında ámelge asırılǵan jumıslar, Áhmiyetli 90 kúnlik sheńberindegi ilajlar, 2025-2026-oqıw jılına tayarlıq kóriwde  studentlerdi ijara úylerine jayǵastırıw boyınsha lokaciya jaratıw máseleleri haqqında” Jaslar mene islesiw hám ruwxıy hám aǵartıwshılıq isler bólim baslıǵı S.Abatbaevlardıń bayanatları tıńlandı, sonday-aq, «2024-2025-oqıw jılı juwmaqları boyınsha Filial Hayal-qızlar Keńesi hám Ózbekistan jaslar awqamı Filial baslanǵısh shólkeminiń jıllıq esabatları kórip shıǵıldı.

Májiliste aǵımdaǵı máseleler boyınsha oqıw ádebiyatlardı dodalaw, baspaǵa hám muwapıqlastırıwshı keńeske usınıw máseleleri qaralıp, sheshim qabıl etildi. Májilis sońında filial keńesinde kórilgen máseleler boyınsha aldaǵı wazıypalar belgilenip alındı.