Jańa ilimiy miynetler

Filialımız «Kórkem ónertanıw» kafedrasınıń oqıtıwshısı Madiyarov Baxtıyar Smetovich tıń avtorlıǵında «Qaraqalpaq kinosınıń jılnaması» atamasındaǵı qollanba kitap baspadan shıǵarıldı.

Avtordıń atap ótiwinshe, 55 jıllıq tariyqa iye bolǵan qaraqalpaq kinosı usı qısqa dáwir ishinde bir qansha jetiskenliklerge eristi. Atap aytqanda, Qaraqalpaq kino óneri óziniń bay  tariyxı, ózine tán jaratılıw usılları, milliy ózgeshelikleri  hám tásirsheńligi menen pútkil Ózbekstan, sonday-aq, Oraylıq Aziya respublikaları menen sırt ellerde de tanılıp, xalıqaralıq festivallarda múnásip bahalanıp kelinbekte.

Qollanbada mine, usı milliy kino ónerimizdiń basıp ótken dóretiwshilik jolı, erisken tabısları menen rawajlanıw basqıshları óz sáwleleniwin tapqan. Bunda tek ǵana qaraqalpaq kinosınıń ótmishi haqqında sóz etilip qoymastan, sońǵı jıllarda jaratılǵan tariyxıy hújjetli filmler boyınsha da keń maǵlıwmatlarǵa iye bolasız.
 Bul miynet kinematografiya tarawı qánigeleri, usı baǵdarda ilimiy izleniwler alıp baratuǵın ilimpazlar, kinotanıw baǵdarında bilim alıp atırǵan student jaslar áhmiyetli qollanba bolıp xızmet etetuǵını sózsiz.
 

Ch.Elmuratov