Filial «Social-gumanitar pánler» kafedrasınıń docenti, tariyx ilimleri boyınsha filosofiya doktorı (PhD) Ótepbergenova Amangúl Kengesbaenanıń avtorlıǵında «Magistrlik dissertaciyasın qorǵawǵa tayarlaw tártibi» atamasındaǵı oqıw metodikalıq qollanbası baspadan shıǵarıldı.

Bul qollanba haqıyqatında da magistratura basqıshı studentleri ushın áhmiyetli dárek bolıp tabıladı. Atap aytqanda, bul miynet magistrlerdiń ilimiy hám dóretiwshilik potencialın júzege shıǵarıw, olardıń sın kóz-qarastan pikirlew, dáreklerdi úyreniw hám puqta ózlestiriw, ilimiy dálillerdi toplaw jáne qayta islew sıyaqlı magistrlik dissertaciyasın óz betinshe jazıw kónlikpesin qáliplestiriwde ámeliy járdem beredi.

Ilimiy miynette sonday-aq, magistrantlar magistrlik dissertaciyasınıń maqset xám wazıypaları menen birge, dissertaciya jumısınıń dúzilisi hám rásmiylestiriw talapları haqqında da keń túsiniklerge iye boladı.

Ulıwma alǵanda, metodikalıq qollanba magistrler menen birge, jas pedagoglar, ilimiy-izertlewshiler, magistrlik dissertaciyasın tayarlawǵa tiyisli bilimlerdi iyelewshi barlıq kitapqumarlarǵa arnalǵan.

Ch.Elmuratov