Filial «Texnogen kórkem óneri» kafedrasınıń oqıtıwshısı Tilepov Quatbay Nukusbaevich tárepinen «PRINT DARHAN» baspasınan N.N.Efimovanıń avtorlıǵındaǵı «Efirde dawıs» atamasındaǵı awdarma oqıw qollanbası jarıq kórdi.

Onda siz zamanagoy Rossiya efiriniń dawıslı ortalıǵı hám onıń payda bolıwında ses rejissyorlıǵınıń tutqan ornı, televizion hám radioda dawıslı sóylewdi basqarıw, ses rejissyorlıǵı, shawqımlar hám akustikalıq effektler, efirde dawıs penen islew mádeniyatı hám teleradio esitiriw fond baǵdalarlamarınıń ses partituraları haqqında bahalı kónlikpelerge iye bolasız.

Rus tilinen awdarma islengen bul qollanba ses rejissyorlıǵı hám muzıka redaktorlaw baǵdarında oqıp atırǵan studentler, sonıń menen birge, ekran kórkem óneri teoriyası hám kasiplik tálim salasındaǵı qánigeler ushın arnalǵan bolıp, ondaǵı tiykarǵı itibar “ses” túsiniginiń barlıq strukturalıq bólimleri — muzıka, sóylew, shawqım menen islew, esittiriw baǵdarlamalarınıń dawıslı reytingin dúziw texnikasına qaratıladı.

Ulıwma alǵanda bul awdarma kórkem óner hám mádeniyat tarawına qánigelesken joqarı oqıw orınları studentleri ushın zárúrli qollanba bolıp tabıladı.

Ch.Elmuratov