Ózbekstan mámleketlik kórkem oner hám mádeniyat institutı Nókis filialında Ózbekstan Respublikası Prezidenti Sh.Mirziyoevtiń «Yangi Ózbekiston strategiyasi» atlı kitabın student-jaslar arasında úgit-násiyatlawǵa qaratılǵan ushırasıw bolıp ótti.

Ilajdı filial direktorı A.Ayapov basqarıp bardı. Onda ÓzLiDeP Qaraqalpaqstan Respublikası Keńesi Apparat baslıǵı, Qaraqalpaqstan Respublikası Joqarǵı Keńesi deputatı Sh.Ótemisov, Ózbekstan Respublikası Oliy Majlis Nızamshılıq palatası deputatı, ÓzLiDeP frakciyası aǵzası B.Aldamuratovlar shıǵıp sóylep «Yangi Wzbekiston strategiyasi» kitabınıń mazmun-áhmiyeti, sonday-aq, elimizde ámelge asırılıp atırǵan túpkilikli reformalar, onda belgilengen tiykarǵı baǵdarlar, sonıń menen birge, jaslardıń oqıp bilim alıwı ushın jaratılǵan imkaniyatlar haqqında ayrıqsha atap ótti. Ushırasıw dawamında saylawlarda qatnasatuǵın jaslarǵa saylaw nızamshılıǵı boyınsha da túsinikler berildi.

Ilaj sońında student-jaslar ózlerin qızıqtırǵan sorawları boyınsha qánigelerge múrájat etip, tiyisli juwaplar aldı.

ÓzMKÓMI Nókis filialı baspasóz xızmeti.