Xabarıńız bar usı jıl 24-oktyabr kúni Ózbektstan Respublikası Prezidentligine saylaw bolıp ótedi. Áyne kúnleri Ózbekstan Respublikası Prezidenti saylawında qatnasıw ushın siyasiy partiyalardan usınılǵan talabanlardıń saylaw aldı baǵdarlamasınıń tiykarǵı baǵdarların úgit-násiyatlaw ilajları ótkerilmekte.
Ózbekstan mámleketlik kórkem óner hám mádeniyat institutı Nókis filialı hám Ózbekstan mámleketlik konservatoriyasınıń Nókis filialı student-jaslarınıń qatnasıwında Ózbekstan Respublikası Prezidentligine talaban, ámeldegi Prezident SH.Mirziyoevtiń saylaw aldı baǵdarlamasın úgit-násiyatlaw ilajı bolıp ótti.
Onda ÓzLiDeP partiyasınan usınılǵan talabannıń isenimli wákili A.Daniyarov shıǵıp sóylep, saylawshılarǵa Prezidentlikke talaban SH.Mirziyoevtiń ómirbayanı hám ótken bes jıl dawamında Háreketler strategiyası sheńberinde ámelge asırılǵan reformalar, sonday-aq, aldaǵı jıllarda ámelge asırılıwı rejelestirilgen 5 jıllıq saylawaldı baǵdarlaması haqqında keń túrde maǵlıwmatlar berdi.
Ushırasıwda isenimli wákil SH.Mirziyoevtiń birinshi náwbette insan mápin ústin qoyıwshı insan ekenligi, bul baǵdarda mámleketimizde puqaralardıń awırın jeńil etiw, mútájliklerin qanaatlandırıwda «Xalıq mámleketlik uyımlarǵa emes, mámleketlik uyımlar xalıqqaxızmet etiw kerek» degen prinsiptiń turmısqa engizilgenligin ayrıqsha atap ótti.
– Bunnan 5 jıl aldın ÓzMKÓMI Nókis filialında tálim alıwshılar 100ge jetpeytuǵın edi. Al, búgingi kúnge kelip bul dárgayda oqıp atırǵan studentler 1000ǵa jaqın. Ózbekstan mámleketlik konservatoriyası Nókis filialınıń shólkemlestiriliwi, sonday-aq, SHavkat Mirziyoev Ózbekstan jasları forumındaǵı jaslar menen ushırasıwında wálayat hákimleri hár bir qala hám rayonnan 5 jasqa shekem jaslardı mádeniyat, kórkem óner joqarı oqıw orınlarına jergilikli byudjet esabınan oqıtıw hám aldaǵı waqıtları olardı óz aymaǵında úy-jay, qánigeligi boyınsha jumıs penen támiyinlew ilajların kóriw boyınsha tapsırmalar bergen edi. Álbette bul talabanımız SH.Mirziyoevtiń qaraqalpaqstanlı mádeniyat, kórkem óner tarawına qızıǵıwshı jaslar ushın jaratıp bergen ámeldegi biykarlap bolmas sheksiz imkaniyatlarınan desem qátelespeymen, – deydi A.Daniyarov.
ÓzMKÓMI Nókis filialı baspasóz xızmeti.
