Usı jıldıń 14 oktyabr kúni Ózbekstan mámleketlik kórkem óner hám mádeniyat institutı Nókis filialında saylaw huqıqı, saylawlardıń áhmiyeti haqqında «Saylaw hám jaslar» atamasında saylawaldı úgit-násiyat ilajı ótkerildi.

  Ilajda Ózbekstan Respublikası Oliy Majlis Senatı janındaǵı Jaslar parlamenti aǵzası, «Yuksalish» ulıwma milliy háreketi Qaraqalpaqstan Respublikası aymaqlıq bólimi koordinatorı Ǵ.Seytekov tárepinen Prezident saylawınıń áhmiyeti, Saylaw kodeksi, saylaw nızamshılıǵına kiritilgen ózgerisler hám de qosımshalardıń mazmun-mánisi haqqında maǵlıwmatlar berildi. Sonıń menen birge, jaslar — saylawlarǵa jurtımız turmısındaǵı eń áhmiyetli, jámiyetimizdiń barlıq iskerlik tarawılarında ámelge asırılıp atırǵan reformalardıń mazmun-mánisi, hár bir saylawshı Prezident saylawında belsene qatnasıw  kerekligi ayrıqsha aytıp ótildi.

  Ushırasıwda   jaslar  saylawǵa  baylanıslı  ózlerin qızıqtırǵan sorawlarǵa juwaplar aldı.

ÓzMKÓMI Nókis filialı baspasóz xizmeti