Búgin Ózbekstan mámleketlik kórkem óner hám mádeniyat institutı Nókis filialında jaslar arasında psixologiyalıq jetiklikti asırıw, olardıń optimistlik sezimin oyatıw maqsetinde filial psixologi A.Yusupova tárepinen professor oqıtıwshılar hám de student jaslar qatnasıwında «Jasaw ushın 10001 sebep» temasında psixologiyalıq akciyası ótkerildi. Bul akciya student jaslarda ómirge, jasawǵa bolǵan muhabbat sezimin asırıw, jaslıqtıń qádirine jetiw, búgingi kúnniń qádirine jetiw, hár bir tınısh hám ashıq aspanımız ushın shúkirlik etiw,  aldına tuwrı maqset qoya biliw sıyaqlı maqsetlerdi óz ishine jámlegen.

   Jaslar arasında hár qanday kewilsiz jaǵdaylardıń bolmawı ushın olar dáslep múnásip jasawdıń shártlerin ańlap alıwları zárúr. Akciyanıń tiykarǵı qaǵıydasına bola hár bir oqıwshı múnásip jasaw ushın kóplegen sebepler keltiriwi kerek edi. Student jaslar stendke ózlerinıń pikirleri aytılǵan stikerlerde túsindirmeler qaldırdı. Bular arqalı jaslardıń dúnyaǵa kóz qarası hám ishki dúnyası pák ekenligin ańlap alıwımız ushın áhmiyetli esaplanadı.  

ÓzMKÓMI Nókis filialı baspasóz xızmeti