Bıyıl Ǵárezsiz mámleketler doslıq awqamı shólkeminiń dúzilgenine 30 jıl toldı.  SHólkemniń dúzilgenine 30 jıl tolıwı múnásibeti menen Ózbekstan mámleketlik kórkem óner hám mádeniyat institutı Nókis filialında kurs shólkemlestirildi.

Oǵan filial professor-oqıtıwshıları hám student-jaslar qatnastı. Onda «Social-gumanitar pánler» kafedrası baslıǵı L.Urazova ǴMDA shólkeminiń tariyxı, áhmiyeti hám oǵan aǵza bolǵan mámleketler haqqında jıynalǵanlarǵa túsinik berip ótti. Sonday-aq, ilajda sońǵı jılları Prezidentmiz tárepinen mámleketler arasında múnásibetlerdi bekkemlew, xalıqaralıq shólkemler menen baylanıslardı jaqsılaw, mámleketler arasında tınıshlıqtı támiyinlew, doslıq hám isenimlilikti bekkemlew, ekonomikanıń túrli tarmaqlarında birge islesiwdi jolǵa qoyıw baǵdarında ámelge asırılıp atırǵan jumıslar haqqında da maǵlıwmtlar berildi.

ÓzMKÓMI Nókis filialı baspasóz xızmeti..