Ózbekstan mámleketlik kórkem óner hám mádeniyat institutı Nókis filialında “Erte turmıs qurıwdıń aldın alıw” boyınsha 1-kurs student-jasları qatnasıwında ushırasıw bolıp ótti.

Ilajdı Hayal-qızlar màseleleri boyınsha direktor másláhátshisi O.Qdrniyazova alıp bardı. Onda “Qosbulaq” MPJ baslıǵınıń Hayal-qızlar máseleleri boyınsha orınbasarı Z.Mırzambetova hám «Kórkem ónertanıw» fakulteti dekanı G.Xodjametovalar sózge shıǵıp, erte turmıs qurıwdıń aldın alıw hám onıń unamsız aqıbetleri haqqında túsinik berip, turmıslıq mısallar menen keltirildi. Sonday-aq, sóylew mádeniyatı, kiyiniw mádeniyatı boyınsha da pikir-usınıslar bildirildi. Olardıń sabaqtan bos waqtın mazmunlı ótkeriwde kóbirek kitaplar oqıw, qol óneri úyreniwde filialda shólkemlestirilgen “Sheber qollar” orayına hám basqa da túrli dógereklerge qatnasıw kerekligi atap ótildi. Bunnan soń, student-jaslar ózleriniń qızıqtırǵan sorawlarına juwaplar aldı.

Ilaj sońında filial psixologı tórepinen studentler arasında sorawnama ótkerildi.

ÓzMKÓMI Nókis filialı baspasóz xızmeti