Ózbekstan mámleketlik kórkem óner hám mádeniyat institutı Nókis filialında oqıp atırǵan imkanıyatı sheklengen student-jaslar arasında “Sport hámme ushın” atamasında jarıs shólkemlestirildi.

Dáslep Jaslar máseleleri, ruwqıy hám aǵartıwshılıq isler boyınsha direktor orınbasarı A.Ótepbergenov, Tyutor qánigesi O.Kdirniyazova hám Sport klub baslıǵı orınbasarı R.Berdimuratovlar shıǵıp sóylep, elimizde sporttıń ǵalabalıǵına erisiw jolında ámelge asırılıp atırǵan jumıslarǵa ayrıqsh toqtap ótti.

Bunnan soń sport jarıslarına start berildi.

Onda studentler sporttıń stol tennis, darts qol gúresi (armrestling) hám shaxmat-shashka túrleri boyınsha ózleriniń imkaniyatların sınadı.

Jarıs sońında jeńipazlarǵa shólkemlestiriwshiler tárepinen diplom hám bahalı sawǵalar tapsırıldı.

ÓzMKÓMI Nókis filialı baspasóz xızmeti.