Bıyıl Ózbekstan Respublikasıniń Konstitusıyasınıń qabıl etilgenine 29-jıl toldı. Sáne múnásibeti menen Ózbekstan mámleketlik kórkem óner hám mádeniyat institutı Nókis filialında “Jańa Ózbekstan jaslarımız” atamasında kishi futbol boyınsha Direktor kubogı jarısı shólkemlestirildi.

Dáslep Jaslar máseleleri, ruwqıy hám aǵartıwshılıq isler boyınsha direktor orınbasarı A.Ótepbergenov, Filial tyutorları hám Sport klub baslıǵı orınbasarı R.Berdimuratovlar shıǵıp sóylep, studentlerdi sportqa qızıqtırıw, den sawlıǵın bekemlew, bos waqtınan únemli paydalanıw hám filial saylandı komandasın dúziw boyınsha túsinikler berip ótti.

Jarıs jumaǵında 1-orındı “Rejissura” komandası, 2-orındı “Mádeniyat hám kórkem óner mekemelerin shólkemlestiriw hám basqarıw” tálim baǵdarı, 3-orındı “Qosıq hám ayaq oyın” hám “Saxna hám ekran kórkem óner dramaturgiyası” iyeledi.

Jeńipazlar shólkemlestiriwshiler tárepinen diplom hám medallar menen sıylıqlandı.

ÓzMKÓMI Nókis filialı baspasóz xızmeti