Sońǵı jılları joqarı bilimlendiriw mákemelerinde «Kredit-modul» sisteması turmısqa engizilmekte. Dúnya júzinde keńnen qollanılıp atırǵan ECTS (European Credit Transfer and Assumulation Sistem – evropa kredit toplaw sisteması) kredit-modul sisteması boyınsha keńrek túsinik beriw maqsetinde Ózbekstan mámleketlik kórkem óner hám mádeniyat institutı Nókis filialında ilaj shólkemlestirildi.

Ilajda Oqıw bólim baslıǵı B.Turdıev hám «Kórkem ónertanıw» fakulteti oqıw isler boyınsha dekan orınbasarı Í.Xojanovlar kredit-modul sistemasıń abzallıqları, onda qollanılatuǵın usıllar hám bahalaw sesteması boyınsha keń túsinikler berip otti.

Ilajda professor-oqtıwshılar ózleriniń qızıqtırǵan sorawlarına juwaplar aldı.

ÓzMKÓMI Nókis filialı baspasóz xızmeti