Ózbekstan Respublikası Prezidentiniń «Máhállelerde jaslar menen birge islesiw sistemasın túp-tiykarınan rawajlandırıw ilajları haqqındaǵı» qararı qabıl etilgen edi. Qararda belgilenge wazıypalardıń orınlanıwın támiynlew maqsetinde Ózbekstan mámleketlik kórkem óner hám mádeniyat institutı Nókis filialıda “Qos bulaq” mákan puqaralar jıyını turǵınlarınıń qatnasıwında “Bir ziyalı bir máhállege ruwxıy qáwender” atamasında ushrasıw keshesi shólkemlestirildi.

Dáslep máhálle puqaralarına filialda jaratılǵan sharayatlar tanıstırıldı. Soń filial janındaǵı kórkem óner hám mádeniyat tarawına qánigelestirilgen “Sheber qolar” orayı tanıstırıldı. Onda oqıw orayınıń jetekshisi L.Juzbanova oray boyınsha maǵluwmatlar berip ótti.

Sońınan filial kitapxanasındaǵı kitaplar boyınsha túsinikler berildi.

“Rejissura hám aktyorlıq sheberligi” kafedrası oqıtıwshısı Ajiniyaz Ótepbergenov jıynalǵanlarǵa aktyor óneri boyınsha óz túsiniklerin berdi hám “Quwırshaq teatr rejissyorlıǵı” oqıtıwshısı N.Primbetova balalarǵa quwırshaqlar menen qalay islesiw kerekligi boyinsha túsindirdi.

Bunnan soń “Xalıq dóretiwshiligi” kafedırası professor-oqıtıwshıları ushrasıw qatnasıwshılarına Qaraqalpaq xalıq qosıǵı “Pashshayı kóylek” qosıǵın atqardı.

Ushırasıw sońında máhálle jaslarınıń bos waqıtların mazmunlı ótkeriw, olardı fizikalıq jaqtan salamat etip tárbiyalaw hám sportqa bolǵan qızıǵıwshılıǵın arttırıw maqsetinde sporttıń shaxmat, shashka hám stol tennis túrleri boyınsha jarıs shólkemlestirildi.

Jarıs jumaǵında jeńipazlar Jaslar menen islesiw hám ruwxıy-aǵartıwshılıq bólimi tárepinen diplom menen siylıqlandı.

Maǵlıwmat ushın ilaj Jaslar menen islesiw hám ruwxıy-aǵartıwshılıq bólimi, Jaslar menen islew boyinsha kórkem ónertaniw fakulteti oqıtıwshıları hám Sport klubı tárepinen shólkemlestirildi.

ÓzMKÓMI Nókis filialı baspasóz xizmetı