Usı jıldıń 26-mart kúni Ózbekstan mámleketlik kórkem óner hám mádeniyat institutı Nókis filialı «Rejissura hám aktyor sheberligi» kafedrası tárepinen 27-mart Xalıqaralıq teatr kúnine arnalǵan koncert baǵdarlaması shólkemlestirildi.

Ilajda koncertke kórkemlik jaqtan basshılıq etken «Rejissura hám akytor sheberligi» kafedrası baslıǵı L.Urazımbetova sózge shıǵıp jiyanalǵanlardı bayram menen qızǵın qutlıqladı.

Onda filial student-jasları tárepinen etyud janırı boyınsha «Tawıqlar», «Órmekshi hám shıbınlar» haywanlardıń obrızların sheberlik penen atqardı hám basqada «Rabinzon Kruzo teatr saxnasında», «Jim Kerriy Qaraqalpaqstanda» parodiyaları qızǵın tamashalandı. Sonday-aq, ilaj ádebiy oqıwlar, manologlar, qosıq hám ayaq-oyınlar menen dawam etti.

Koncertte saxnalastırıwshı rejissyor «Quwırshaq teatr rejissyorlıǵı» tálim baǵdarı 4-kurs studenti A.Jiyemuratova hám ses rejissyorı «Muzikalı teatr rejissyorlıǵı» tálim baǵdarı 2-kurs studenti R.Elmuratovlar basshılıq etti.

ÓzMKÓMI Nókis filialı baspasóz xizmetı