Ózbekstan mámleketlik kórkem óner hám mádeniyat institutı Nókis filialında “Korrupciyasız keleshek” atamasında dóńgelek-stol sáwbeti shólkemlestirildi.

Ilajdi filial Korrupciyaǵa qarsı gúresiw hám Komplayens-qadaǵalaw bólimi qánigesi Begis Sultamuratov alıp bardı hám filialda korrupciyaǵa qarsı gúresiw boyınsha islenip atırǵan jumıslar haqqında aytıp ótti. Onda Qaraqalpaqstan Respublikası Ádillik ministrligi bas másláhátshisi Nasiba Qutlımuratova, filial direktor másláhátshisi Q.Yakupov, filial tyutorları hám student-jaslar qatnastı.

Ilaj dawamında Qaraqalpaqstan Respublikası Ádillik ministrligi bas másláhátshisi Nasiba Qutlımuratova sózge shıǵıp, studentlerge mámleketimizde korrupciyaǵa qarsı gúresiw wákilligi bar mámleketlik organlar, korrupciyaǵa qarsı gúresiw boyınsha nızamshılıq hújjetleriniń mazmun-mánisi, bul tarawda qabıl etilgen nızamshılıqtaǵı jańalıqlar boyınsha maǵlıwmatlar berip ótti.

Sáwbet dawamında studentler qánigelerden ózleriniń qızıqtırǵan sorawlarına juwaplar aldı.

Ilaj sońında “Korrupciyasız keleshek”, “Biz korrupciyaǵa qarsımız”, “Korrupciyaǵa jol qoymaymız” atamasındaǵı akciyalar ótkerildi.

ÓzMKÓMI Nókis filialı baspasóz xizmetı