Ózbekstan mámleketlik kórkem óner hám mádeniyat institutı Nókis filial “Rejissura hám aktyor sheberligi” kafedrası oqıtıwshısı, “Pegas shou” KVN komandası sárdarı A.Ótepbergenov hám “Televidenie hám radio rejissyorlıǵı” tálim baǵdarı 3-kurs studenti A.Aytmuratovlar usı jıldıń 18-aprel kúni Nókis qalasındaǵı XBB qaraslı 10-sanlı qánigelestirilgen mámleketlik mektep-internatı tárbiyalanıwshıları menen ushırastı.

Onda Qaraqalapaqstan Respublikası Ishki isler ministirligi jaslar jetekshisi aǵa leytenant A.Kengesbaev hám Filial oqıtıwshısı A.Ótepbergenovlar sózge shıǵıp jaslardı kórkem ónerge qızıǵıwshılıǵın elede asırıw, aldaǵı waqıtları dóretiwshi jaslar menen birge islesiwde ózleriniń pikir usınsların bildirip ótti.

Ilaj dawamında oqıwshılar tárepinen tayarlanǵan saxnalıq kórinisler tamashalandı hám ilaj sońında oqıwshılar ózleriniń qızıqtırǵan sorawlarına qánigeler tárepinen juwaplar berildi.

ÓzMKÓMI Nókis filial baspasóz xizmetı