Ózbekstan Respublikası Prezidentiniń 2022-jıl 28-yanvar sánesinde “2022-2026 jıllarǵa mólsherlengen Jańa Ózbekstannıń rawajlanıw strategiyası haqqında”ǵı pármanı qabıl etildi. Onda kórsetilgen jeti tiykarǵı baǵdar, onı ámelge asırıwda júz maqset hám kórsetpeler belgilengen.

Párman menen belgilengen Xalıqqa málimleme kitapxana xızmetin kórsetiwdi jáne de rawajlandırıw, kitapqumarlıqtı keńeytiw hám de “Kitapsúyer millet” milliy ideyasın ámelge asıriwda 2022 jıl 21 aprel kúni II Respublika «Kitapqumarlıq hápteligi» “Mehir kitapxanası” joybarı sheńberinde Qaraqalpaqstan Respublikası Málimleme — kitapxana orayı tárepinen Respublikalıq Kózi ázziler kitapxanasında «Kitap-biybaha ruwxıy azıq» atamasında kóshpeli ilaj bolıp ótti.

Ilajǵa Ózbekstan hám Qaraqalpaqstan jazıwshılar awqamı aǵzası «Qaraqalpaqstan Respublikasına miyneti sińgen jurnalist» ataǵı iyesi Perdegúl Xojamuratova hám «Qaraqalpaqstan Respublikasına miyneti sińgen mádeniyat xızmetkeri» Altıngul Uteniyazova hám Ózbekstan  mámleketlik kórkem óner hám mádeniyat institutı Nókis filialınıń 2-kurs Kitapxana xabar iskerligi qánigeligi student  jasları qatnastı.

Kitapqumar  student  jaslar ushırasıw dawamında shayır-jazıwshlar menen oqıǵan kitapları boyınsha sorawlarına juwaplar  alıp,  óz-ara pikir almastı. 2-kurs Kitapxana xabar iskerligi qánigeligi studenti Allayar Ismaylov, Jansaya Almasovalar ilajǵa belsendi  qatnastı. Studentler  kitapxana jumısları menen tanıstı.

ÓzMKÓMI Nókis filialı baspasóz xizmeti