Xabarıńız bar, usı jıldıń may ayında elimizde ózin-ózi basqarıw uyımlarına baslıq (aqsaqal) saylawları ótkeriledi. Sol múnásibet penen Qaraqalpaqstan Respublikası Joqarǵı Keńes janındaǵı jámiyetlik fondı hám «Qaraqalpaqstan hawazı» gazetası redaksiyası tárepinen «Men bir dawısqa iyemen!» atamasıda orınlarda seminar-trenińler ótkerilmekte.

Usı jıldıń 23-aprel kúni Ózbekstan mámleketlik kórkem óner hám mádeniyat institutı Nókis filialında tárepinen «Men bir dawısqa iyemen!» atamasıda seminar-trening ótkerildi. Oǵan student-jaslae qatnastı.

Ilajdı filial  direktorınıń Jaslar máseleleri hám ruwxıy-aǵartıwshılıq isleri boyınsha orınbasarı A.Ótepbergenov alıp bardı. Onda Taqiyatas rayonı Ádillik bólimi bas másláhátshisi B.Ikmetullaev hám «Qaraqalpaqstan hawazı» gazetası bas redaktorı M.Qutlımuratovlar shıǵıp sóylep, saylaw sesteması hám mádeniyatı, demokratiyalıq saylawlardıń tiykarǵı principleri haqqında maǵlıwmatlar berdi. Sonday-aq, studentler ózleriniń qızıqtırǵan sorawlarına juwaplar aldı hám ilaj dawamında óz ara pikir alısıldı.

ÓzMKÓMI Nókis filialı baspasóz xizmetı.