Usı jıldıń 28-aprel kúni Ózbekstan mámleketlik kórkem óner hám mádeniyat institutı Nókis filialı student jaslarına órtten saqlanıw hám aldın alıwǵa qaratılǵan ilaj shólkemlestirildi.

Onda Qaraqalpaqstan Respublikası Bántlik hám miynet qatnsıqları ministrligi qánigesi S.Qudaybergenova sózge shıǵıp, elimizde miynet tarawında milliy nızamshılıq bazası jetkilikli dárejede qálipleskeni, sonıń ishinde májbúriy miynettiń aldın alıw hám onıń hár qanday kórinisin boldırmawǵa qaratılǵan ilajlarǵa huqıqıy tiykar bolıp xızmet etetuǵın bir qatar nızamnan kelip shıǵatuǵın hújjetler qabıl etilgeni, bul hújjetler búgingi kúnde usı tarawdaǵı múnásibetlerdi tártipke salıp atırǵanı haqqında maǵlıwmatlar berdi.

Sonday-aq, ilaj dawamında Nókis qalalıq Ayrıqsha jaǵdaylar bólimi inspektorıları A.Nazarımbetov hám Z.Vaysov student jaslarǵa ayrıqsha jaǵdaylar júz bergen waqıtta qanday is ilajlar kóriw kerekligi boyınsha ámeliy túrde kórsetip berdi hám studentler ózleriniń qızıqtırǵan sorawlarına juwaplar aldı.

ÓzMKÓMI Nóis filialı baspasóz xizmeti