Búgin Ózbekstan mámleketlik kórkem óner hám mádeniyat instituti Nókis filiali «Rejissura hám aktyor sheberligi «kafedrasınıń «Muzikalı teatr rejissorlıǵı» tálim baǵdarınıń 2-kurs student jasları jazǵı reyting imtixan jumısın tapsırdı.

Onda studentler Ayra Levinnıń «Sońǵı posa», Keńesbay Raxmanovtıń «Muxabbat samalı» , Said Axmattıń «Kók Jiyek», Ruslan Annabaevtıń «Teńge» hám Uilliam Shekspirdıń «Romeo hám Julietta» shıǵarmalarınan saxnalıq kórinislerin sheberlik penen atqardı.

Shıǵarmalardı kórkemlik jaqtan saxnalastırıwda Ózbekstan xalıq artisti, Berdaq atındaǵı mámleketlik sıylıqtıń laureatı, «Mehnat shuhrati» hám «El-Yurt hurmati» ordenleriniń iyesi «Rejissura hám aktyor sheberligi» kafedrası professorı, pán oqıtıwshısı N.Ańsatbaev basshılıq etti.

Sondaq-aq, usı kafedra baslıǵı L.Orazımbetova hàm kafedra oqıtıwshıları M.Ismaylova, M. Yusupbaev, N.Pırımbetovalar qatnasıp, búgingi imtixan boyınsha óz pikir-usınısların bildirdi hám pán oqıtıwshısı Gúlbaxar Bekniyazova student jaslarǵa aldaǵı imtixanlarda áwmetler tiledi.

QMU studenti S.Shamuratova